ქუთაისში გრძელდება შიდა კვარტალური გზების მოწესრიგების პროცესი. ქუთაისის მერიის პრესსამსახურის ცნობით ქალაქის მერის მოვალეობის შემსრულებელმა დავით ერემეიშვილმა, ადგილობრივი ხელისუფლების წარმომადგენლებთან ერთად, ავანგარდის დასახლებაში დასრულებული საგზაო სამუშაოები მოინახულა.
სულხან-საბას გამზირზე, შიდა კვარტალური გზების მოსაწესრიგებლად 372 327 ლარი იყო გამოყოფილი. გზის სავალ ნაწილზე დაიგო ორშრიანი ასფალტო-ბეტონის საფარი, გაკეთდა ტროტუარი . განახლდა ქუჩის დასაწყისში არსებული პარკინგი და სავაჭრო ცენტრის წინ მოეწყო ახალი საპარკინგე ადგილი.
დაიხაზა და დამონტაჟდა ახალი საგზაო ნიშნები.
სამუშაოები შ.პ.ს. ,,გზამშენი XXI”-მ შეასრულა.
